Laparelli: Ndikimi i Manifestës është mënyra se si të ridrejtohet vizioni i qytetit (VIDEO)

Ippolito Pestellini Laparelli, ndërmjetës krijues i Manifesta 12, Palermo, ka treguar se çfarë ndikimi mund të ketë kjo bienale nomade në një qytet. Ai, në Info Magazine të Klan Kosovës, ka theksuar se Manifesta të shpie te mënyra se si të ridrejtohet vizioni i qytetit. "Ndikimi i Manifestës nuk është material, por mënyra se si mund të modifikoni apo ridrejtoni vizionin e qytetit për sa i përket politikbërjes. Pasi e ndërtoni këtë, parimisht të keni një kornizë ligjore dhe politike mbi atë se çka mundohet të lansojë Manifesta, atëherë mund të siguroni në një mënyrë një kohëzgjatje më të gjerë dhe kjo merr kohë, ndoshta merr kohë shumë më të gjatë sesa e parasheh Manifesta". "Por çka është interesante këtu, Manifesta përcakton kornizën e udhëzimeve, më pas qyteti dhe qytetarët mund t'i bëjnë të vetat, mund të zhvillojnë dhe mund të gjejnë në një mënyrë rrugë të reja, ndoshta të bashkëpunojnë të gjithë kreatorët, pra ta përfundojnë këtë arsyetim", ka thënë Laparelli, njofton KlanKosova.tv. https://www.youtube.com/watch?v=72HGPnBlcik