Laura Benanti pëson abort derisa po performonte në skenë

Laura Benanti ka pësuar një abort dhe kjo ndodhi ndërsa ajo ishte në skenë. 43-vjeçarja e zbuloi lajmin në rrjetet e saj sociale të mërkurën, transmeton Klankosova.tv. “Të hënën më 3 prill, performova në skenë për 2 mijë persona kur edhe ndodhi një abort. E dija që po ndodhte”, tha ajo. “Filloi ngadalë një natë më parë. Nëse do të kishte qenë humbja jonë e parë, apo edhe e dyta, me siguri nuk do të isha në gjendje të vazhdoja. Por, për fat të keq, nuk jam e painformuar për dhimbjen dhe zbrazëtinë e humbjes së shtatzënisë. Është një rrugë që kam ecur më parë, dorë për dore me burrin tim. Por këtë herë ne ecëm së bashku me disa nga njerëzit më të sjellshëm dhe më të dashur me të cilët do të kem nderin të ndaj hapësirën. Faleminderit të gjithëve në atë audiencë, sepse më nxori nga pikëllimi për atë orë të shenjtë. Faleminderit grupit tim që më mbajti, pa kushte, në zemrat tuaja, dhe ekipit që punoi kaq shumë për të më bërë sa më rehat. Faleminderit miqve dhe kolegëve të mi interpretues që u mblodhën rreth meje dhe që me kaq mirësjellje plotësuan nevojat e mia”. “Faleminderit atij shpirti të vogël që më zgjodhi mua si shtëpi, qoftë edhe për një kohë të shkurtër. Patriku dhe unë jemi shumë mirënjohës për familjen që kemi dhe mrekullinë e dy vajzave tona të vogla”. Laura dhe bashkëshorti i saj, Patrick Brown, u martuan në vitin 2015. Ata pësuan abortin e parë spontan vite përpara se të mirëpritnin fëmijën e tyre të parë, Ella, 6 vjeç, në 2017. Ata mirëpritën vajzën e tyre të dytë, Louisa, tani 9 muajshe, nëpërmjet një surrogate në shkurt të 2022.