LDK e VV përplasen për vjedhjen e 2.1 milionëve dhe mostrat e Deharit (VIDEO)

Sa herë që flitet për thesarin e shtetit dhe aty është e pranishme Hykmete Bajrami, deputetët e Vetëvendosjes e përmendin vjedhjen e 2.1 milionë eurove nga aty. Njëjtë vepruan edhe të martën. Ish-ministrja dhe deputetja aktuale e Lidhjes Demokratike, atë ngjarje e paralelizon me zhdukjen e mostrave të Astrit Deharit, gjë që i ngrit tensionet në mbledhjen e së martës në Komisionin për Mbikëqyrje të Financave, njofton Klan Kosova. Përplasja e la në hije raportimin e shefit të thesarit, Nysret Koca, dhe auditorëve për sistemin e menaxhimit të pagave “Payroll”. Megjithatë, paraprakisht u trajtuan disa gjetje nga auditimi. Aty ka dalë se ka zyrtarë që i marrin nga dy paga primare. Thesari u shpjegua se u ka kërkuar organizatave buxhetore që ta informojnë lidhur me pagat primare a sekondare të zyrtarëve. Tjetër shqetësim qe lëshimi i pensioneve për personat e vdekur, por që thesari e heq fajin nga vetja. Koca shprehu tjetër hall, që askush s'po konkurron për disa pozita në thesar, për shkak të pagës së ulët. Kurse të tjerë po e lëshojnë punën. Thesari konfirmoi se është duke punuar në reformimin dhe lehtësimin e menaxhimit të sistemit të pagave. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://youtu.be/xAaYILdPLvg