Kryetari i Degës së Lidhjes Demokratike të Kosovës në Gjilan, Lutfi Haziri ka ndarë ngushëllimet e tij me rastin e vdekjes së albanologut, Mehmet Rukiqit.
Në një telegram ngushëllimi, Haziri shpalos kontributin e paçmueshëm të Rukiqit përgjatë punës së tij, njofton Klankosova.tv.
Telegram ngushëllimi nga LDK-ja me rastin e ndarjes nga jeta të albanologut, Mehmet Rukiqi:
E nderuara familja Rukiqi,
Me dhimbje të thellë morëm lajmin për ndarjen nga jeta të albanologut, dr. i letërsisë popullore, dhe pjesëmarrësit aktiv i Lëvizjes për Pajtimin e Gjaqeve, Mehmet Rukiqi
Profesori i nderuar, me punën, përkushtimin, kontributin dhe angazhimin e vazhdueshëm për disa dekada me radhë, la gjurmë të pashlyeshme në jetën akademike e publike në vend, ku u bë emër i respektuar, i cili nderohet dhe çmohet nga kolegët, studentët dhe bashkëpunëtorët.
Duke bashkëndjerë dhimbjen, më lejoni të shpreh ngushëllimet më të sinqerta familjes, kolegëve, shokëve, miqve e farefisit.
Jeta dhe vepra e tij le të shërbejnë si mësim, për ne dhe gjeneratat e ardhshme.
Shpirti i tij u prehtë në Parajsë!
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
