LDK-ja në Gjilan: 170 milionë për autostradë, 12 milionë për stadium (VIDEO)

Gjilanasit, mbrëmjen e sotme dolën në numër të madh për ta pritur kandidatin e LDK-së për kryeministër, Lumir Abdixhikun. Bashkë me Abdixhikun, i pranishëm ishte edhe Lufti Haziri, kandidat për deputet nga ky qytet, njëherësh edhe nënkryetar i partisë, raporton Klan Kosova. Kur iu drejtua gjilanasve, Lumir Abdixhiku tha se u bind që LDK-ja është zgjidhja për Kosovën. Ai shpalosi një mori të premtimeve, duke përmendur përfundimin e Autostradës së Gjilanit, si dhe lidhjen me Luginën e Preshevës. Krahas këtyre dhe investimeve tjera kapitale, Abdixhiku nuk harroi të premtojë edhe këtu rritje të koeficientit të pagave në 150 euro. Po ashtu, tha se pensionet hipin për 36%. Nga Gjilani ky kërkoi votë masive të dielën për LDK-në dhe siç tha, të mirën e Republikës, e i ftoi për takim të shtunën në kryeqytet për ta shënuar mbylljen e fushatës. /Klankosova.tv https://www.youtube.com/watch?v=qoxiQ504jNY