Legjenda Roger Federer, s’do luajë tenis në “French Open”

Tenisti legjendë, Roger Federer, është tërhequr nga garat e French Open të këtij viti, për shkak se nuk ka arritur që të rikuperohet nga një lëndim që e kishte pësuar në shpinë, shkruan BBC, transmeton Klan Kosova. 34 vjeçari nuk ka luajtur as në garat e Madrid Open në fillim të këtij muaji, pasi që e kishte lënduar shpinën gjatë ushtrimeve për turneun. Federer ishte rikthyer për Italian Open, mirëpo ishte mundur në raundin e tretë nga Dominic Thiem. “Kam pasur përmirësim sa i përket gjendjes time shëndetësore, mirëpo ende nuk ndjehem 100% i fortë e i gatshëm”, ka thënë numri një i tenisit në botë. “Mendoj se do të ndërmerrja rrezik të panevojshëm nëse do të luaja në French Open para se të jem gati. Ky vendim s’ishte i lehtë për tu marrë, mirëpo vendosa kështu për tu siguruar që të jem gati sezonin e ardhshëm”. Kjo do të thotë se Federer do të mungojë në “Grand Slam”, për herë të parë.