I famshëm për romancat e tij me vajzat më me nam në botën rozë, aktori hollivudian Leonardo DiCaprio është parë të kalojë sërish kohë pranë modeles Gigi Hadid, duke nxitur dyshime se diçka e re po ndodh mes tyre.
Dyshja, DiCaprio e Hadid u panë në disa imazhe të shkrepura brenda një feste të organizuar në Brooklyn Navy Yard me rastin e festës së Halloween-it, shkruan Page Six, transmeton Klankosova.tv.
Ata ishin të shoqëruar nga motra e Gigit, Bella, modelja Irina Shayk dhe tregtarja e artit, Helly Nahmad, të cilët në ngjarje kishin ardhur me anë të një autobusi të organizuar enkas për ndejën.
“Leo mbante një maskë rrëqethëse (gjysmë përbindësh-gjysmë zombie) pjesën më të madhe të natës”, ka thënë një burim që ishte pjesë e festës.
Ata ishin parë bashkë në shtator gjatë Javës së Modës në shtator, duke u shoqëruar në një festë në Soho, ndërsa janë vënë re kryesisht në të njëjtën shoqëri dhe disa herë edhe vetëm.
●●●
NSHKRIMI NGA
NP
Editorial nga Klan Kosova — ndjek prive dhe zhvillimet e tjera kryesore të vendit.
