Liderët e Ballkanit Perëndimor sonte në darkë joformale përpara Samitit të Komunitetit Politik Evropian

Nesër në Tiranë do të mbahet Samiti i Komunitetit Politik Evropian, ku kryeministri Edi Rama, ditën e nesërme e ka quajtur si një nga ditët më të mëdha të historisë moderne të Shqipërisë. Gazetari i Klan Kosovës, Besnik Tahiri, i cili do të përcjellë nga afër këtë ngjarje, tha se në disa sesione në kuadër të Komunitetit Politik Evropian do të flitet për çështjet e sigurisë, mbrojtjes dhe bashkëpunimin ndërinstitucional dhe bilateral mes shteteve. Tahiri tha se sonte do të mbahet një darkë joformale që është organizuar nga kryetari i Këshillit të BE-së, Antonio Costa, ku po marrin pjesë gjashtë liderët e shteteve të Ballkanit Perëndimor, ku Kosova po përfaqësohet nga presidentja Vjosa Osmani, “Për darkën joformale që do të zhvillohet në një hotel të Tiranës do të marrin gjashtë liderët e shteteve të Ballkanit Perëndimor, po ashtu do të jetë Costa dhe Von der Leyen dhe shefja e diplomacisë evropiane, Kaja Kallas”, tha Tahiri, njofton Klankosova.tv. Tahiri tha se në këtë darkë do të flitet për mundësinë e integrimit të Ballkanit Perëndimor në Bashkimin Evropian. https://www.youtube.com/watch?v=qEVK0XVLsso