Liderët e BE-së arrijnë marrëveshjen e rimëkëmbjes pas samitit maratonik

Udhëheqësit e BE kanë arritur një marrëveshje për një paketë të madhe të rimëkëmbjes ekonomike pas pandemisë së koronavirusit, ujdi kjo që u arrit pas katër ditësh bisedime. Sipas marrëveshjes blloku prej 27 shtetesh që ofron 750 miliardë euroshnë grante dhe kredi për të zbutur ndikimin ekonomik të pandemisë. Kryesuesi  i samitit Charles Michel tha që ishte një "moment i rëndësishëm" për Evropën. Marrëveshja përqendrohet në një program prej 390 miliardë dollarësh për shtetet anëtare të goditura më rëndë nga pandemia. Italia dhe Spanja pritet të jenë përfituesit kryesorë,  raporton BBC, transmeton Klan Kosova. Një hua e mëtejshme prej 360 miliardë euro në interes të ulët do të jetë në dispozicion të anëtarëve të bllokut. Në samitin që nisi në Bruksel të premten në mëngjes, pati më shumë se 90 orë bisedime dhe ishte  më i gjati i BE-së që nga takimi i vitit 2000 në qytetin francez të Nices, i cili zgjati pesë ditë. Paketa tani do të përballet me më shumë negociata teknike nga vendet anëtare, dhe ka nevojë për ratifikim nga Parlamenti Evropian.