Liderët e Europës në Tiranë, qeveria merr vendim: 15-16 maji ditë pushimi

Në mbledhjen e sotme qeveria e Shqipërisë ka vendosur që datat 15 dhe 16 maj të jetë ditë pushimi për punonjësit e institucioneve të administratës shtetërore në territoret e bashkive Tiranë, Kamzë, Vorë dhe Krujë. Nga kjo përjashtohen Forcat e Armatosura, Policia e Shtetit, Garda e Republikës,  shërbimi zjarrfikës dhe punonjësit e sistemit shëndetësor. Mësohet se arsyeja e pushimit lidhet me mbajtjen e samitit të Komunitetit Politik Europian në Tiranë, raporton A2CNN, transmeton Klankosova.tv. Sipas vendimit të qeverisë, dita e punës do të zëvendësohet me një nga ditët e pushimit brenda vitit 2025.