Lija e Majmunit, OBSH-ja e shpall emergjencë globale

Përhapja e lisë së majmunëve është shpallur një emergjencë globale shëndetësore nga Organizata Botërore e Shëndetësisë. Ky është alarmi më i lartë që mund të lëshojë OBSH-ja dhe pason një rritje të rasteve në mbarë botën. Ky vendim erdhi pas takimit të dytë të komitetit të urgjencës të OBSH-së për virusin, shkruan BBC, transmeton Klankosova.tv. Më shumë se 16,000 raste janë raportuar tani nga 75 vende, tha drejtori i përgjithshëm i OBSH-së Dr Tedros Adhanom Ghebreyesus. Aktualisht ekzistojnë vetëm dy emergjenca të tjera të tilla shëndetësore - pandemia e koronavirusit dhe përpjekjet e vazhdueshme për të zhdukur poliomielitin.