Liria e mediave: Oferta e Kurtit, ofendim për gazetarët (VIDEO)

Kryeministri në detyrë, Albin Kurti në një mbledhje të partisë së tij e dha një ide të padëgjuar më parë për mediat. “Të gjitha trajnimet që janë të nevojshme të gjitha mësimet e shkollimet e larta që janë edhe pjesë e luftimit të dezinformimit të informimit profesional ne jemi të gatshëm që t’i financojmë”, është shprehur ai. Këtë e bëri derisa po arsyetohej se Kosova ka rënë në vendin e 99-të në botë për indeksin vjetor të lirisë së shtypit. Një deklaratë e tillë nuk është mirëpritur nga Asociacioni i Gazetarëve të Kosovës, njofton Klan Kosova. “Oferta e kryeministrit Kurti për trajnime për gazetarët është e papranueshme, është ofendim për gazetarët, vë në pikpyetje në profesionalizmin e tyre të ndërtuar për shumë vjet dhe është ndërhyrje direkte e Qeverisë së Kosovës”, ka thënë kryetari i AGK-së, Xhemajl Rexha. Madje edhe ekspertët e fushës këtë e konsiderojnë të patolerueshme. Për më tepër, ndiqni kronikën e përgatitur nga Klan Kosova: https://www.youtube.com/watch?v=UysqL2My5Sk