Lirohet nga arresti mësuesi që ushtroi dhunë ndaj nxënësit në Prishtinë

I është zëvendësuar masa e arrestit mësuesit që ishte përfshirë në një rast të dhunës në shkollën “Pavarësia” në Prishtinë. Kryeprokurori i Prokurorisë Themelore në Prishtinë, Zejnullah Gashi tha për Klankosova.tv se mësimdhënësit masa iu zëvendësua me lajmërim në stacion policor. Kujtojmë se i dyshuari u arrestua pas publikimit të një videoje, ku ai shihet duke ushtruar dhunë ndaj një nxënësi. Megjithatë, kolegë të tij nga shkolla “Pavarësia” kanë deklaruar se situata qëndron shumë më ndryshe, pasi siç thonë ata, nxënësi me një grup fëmijësh të tjerë, e kishin sulmuar të parët arsimtarin.