16:56 - Kurti i gatshëm për “takime të radhës” në Bruksel
Kryeministri Albin Kurti ka shprehur gatishmërinë e tij për të zhvilluar takime tjera të nivelit të lartë politik, në kuadër të procesit dialogues me Serbinë, duke iu referuar takimeve me presidentin e Serbisë, Aleksandar Vuçiq.
Kështu u tha në njoftimin për media të Kryeministrisë, pas takimit që ky i fundit, bashkë me zëvendësin e tij, Besnik Bislimi, zhvilluan me pesëshen e emisarëve ndërkombëtarë gjatë ditës së sotme.
“I falënderoi të gjithë emisarët dhe vendet e tyre për përkushtimin dhe angazhimin në procesin e dialogut dhe rrugën përpara, duke shprehur gatishmërinë e tij për takime të radhës të nivelit të lartë politik dhe intensifikim të procesit”, u theksua në njoftimin e Kryeministrisë.
Kosova sot ishte nikoqire e shumë përfaqësuesve ndërkombëtarë, nga përfaqësuesi Special i Bashkimit Evropian për Dialogun Kosovë-Serbi, Miroslav Lajçak, këshilltarët për polikë të jashtme dhe siguri të Kancelarit të Gjermanisë, Olaf Scholz dhe të Presidentit të Francës, Emmanuel Macron, Jens Plotner dhe Emmanuel Bonne, këshilltarit diplomatik të kryeministres së Italisë, Giorgia Meloni, Francesco Maria Talo dhe Zëvendës Ndihmës Sekretarit të Shteteve të Bashkuara për Çështje Evropiane dhe Euroaziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar.
Në njoftimin për media të Kryeministrisë, thuhet se për më shumë se dy orë u diskutua për propozimin evropian, të cilin “kryeministri Kurti e vlerëson si bazë të mirë për diskutim të mëtejshëm për të ecur përpara drejt normalizimit të plotë të marrëdhënieve ndërmjet Kosovës dhe Serbisë, me njohje reciproke në qendër”.
“U diskutua edhe për të drejtat e pakicave, për çka kryeministri ka shprehur konsideratën edhe në kornizën e përgjithshme për marrëveshje të propozuar nga vetë ai me 18 gushtit 2022 në Bruksel. Kryeministri Kurti, ndër të tjerash, theksoi nevojën e Kosovës për njohjen nga shtetet mosnjohëse dhe anëtarësimin në organizata kyçe ndërkombëtare dhe trans-atlantike”, thotë Kryeministria.
“Ai i njoftoi emisarët për të arriturat dhe sukseset e Kosovës në vitin që lamë pas në fushën e sundimit të ligjit, për reformat e ndërmarra, progresin demokratik dhe ekonomik, si dhe për aplikimin e Kosovë në Këshillin e Evropës në maj të vitit të kaluar dhe në Bashkimin Evropian në dhjetor, si hapa historik për Kosovën”.
13:15 - Lajçaku kërkon nga palët t’i shohin të mirat e propozimit franko-gjerman (VIDEO)
Ka përfunduar takimi në mes pesë emisarëve ndërkombëtarë dhe kryeministrit Albin Kurti.
Pas takimit, Përfaqësuesi Special i Bashkimit Evropian për dialogun Kosovë-Serbi, Miroslav Lajçak, ka thënë se temë diskutimi ka qenë propozimi i planit franko-gjerman, transmeton Klan Kosova.
Tutje, ai shtoi se ka pritur më shumë mirëkuptim në mënyrë që të shfrytëzohet potenciali i këtij propozimi.
https://www.youtube.com/watch?v=qPA--XH9sCk
12:55 - Lajçak pas takimit me Kurtin: Kemi pritur më shumë mirëkuptim
Ka përfunduar takimi në mes pesë emisarëve ndërkombëtarë dhe kryeministrit Albin Kurti.
Pas takimit, Përfaqësuesi Special i Bashkimit Evropian për dialogun Kosovë-Serbi, Miroslav Lajçak, ka thënë se temë diskutimi ka qenë propozimi i planit evropian për normalizimin e raporteve ndërmjet Kosovës dhe Serbisë, transmeton Klan Kosova.
Tutje, ai shtoi se ka pritur më shumë mirëkuptim në mënyrë që të shfrytëzohet potenciali i këtij propozimi.
“Qëllimi i takimit ishte të diskutojmë propozimin për normalizim që ia kemi paraqitur në shtator e më pas në dhjetor. Kemi më shumë se dy orë në takim që do të thotë se takimi nuk ishte i lehtë, ishte i gjatë, por shumë i hapur dhe i sinqertë. Është shumë herët të bëjmë ndonjë deklaratë dramatike sepse jemi në mes të misionit dhe do vazhdojmë në Beograd. Nuk mund të them shumë”, ka deklaruar Lajçak.
“Kemi pritur kuptim më të mirë të mundësisë që ofron ky propozim. Shpresoj të arrijmë aty dhe të shfrytëzohet potenciali i plotë i këtij propozimi”, ka shtuar ai.
12:40 - Kurti në takim me pesë emisarët – iu tregon për situatën me vërshimet (VIDEO)
Kryeministri Albin Kurti i ka pritur sot në takim pesë emisarët ndërkombëtarë të cilët janë duke qëndruar për vizitë në Kosovë.
Në pamjet që ka publikuar vetë qeveria, Kurti dëgjohet duke iu treguar atyre për situatën me vërshimet nëpër disa komuna të Kosovës të cilat janë shkaktuar nga të reshurat e mëdha të shiut, njofton Klan Kosova.
Ky takim është zhvilluar me dyer të mbyllura dhe pa praninë e gazetarëve.
Pozitat dhe emrat e këtyre pesë emisarëve janë përfaqësuesi Special i Bashkimit Evropian për Dialogun Kosovë-Serbi, Miroslav Lajçak, këshilltarët për polikë të jashtme dhe siguri të kancelarit të Gjermanisë, Olaf Scholz dhe presidentit të Francës, Emmanuel Macron, Jens Plotner dhe Emmanuel Bonne, këshilltari diplomatik i kryeministrit të Italisë, Francesco Maria Talo dhe zëvendësndihmës sekretari i Shteteve të Bashkuara për Çështje Evropiane dhe Euroaziatike dhe njëherësh i dërguari i posaçëm të Shteteve të Bashkuara të Amerikës për Ballkanin Perëndimor, Gabriel Escobar.
https://www.youtube.com/watch?v=pIrpr0lMTIE
12.18| Vazhdon ende takimi i emisarëve ndërkombëtarë me kryeministrin Kurti
Edhe pas dy orësh, që kur pesë emisarët ndërkombëtarë arritën në qeveri, duket se takimi i tyre me kryeministrin Albin Kurti, është duke vazhduar ende.
Kujtojmë që takimi mbahet i mbyllur për media dhe nuk është bërë ndonjë njoftim zyrtar se për cilat tema do të diskutohet.
10:oo| Pesë emisarët ndërkombëtarë kanë mbërritur tek ndërtesa e Qeverisë së Kosovës.
Ata do të priten në takim nga kryeministri Albin Kurti, njofton Klan Kosova.
Takimi do të jetë i mbyllur për media dhe nuk është bërë ndonjë njoftim zyrtar se për cilat tema do të diskutohet.
Pozitat dhe emrat e këtyre pesë emisarëve janë përfaqësuesi Special i Bashkimit Evropian për Dialogun Kosovë-Serbi, Miroslav Lajçak, këshilltarët për polikë të jashtme dhe siguri të kancelarit të Gjermanisë, Olaf Scholz dhe presidentit të Francës, Emmanuel Macron, Jens Plotner dhe Emmanuel Bonne, këshilltari diplomatik i kryeministrit të Italisë, Francesco Maria Talo dhe zëvendësndihmës sekretari i Shteteve të Bashkuara për Çështje Evropiane dhe Euroaziatike dhe njëherësh i dërguari i posaçëm të Shteteve të Bashkuara të Amerikës për Ballkanin Perëndimor, Gabriel Escobar.
klankosova.tv
