19:00 - Daut Haradinaj: Veterani më i rrejshëm është Albin Kurti (VIDEO)
Ish-deputeti i Aleancës për Ardhmërinë e Kosovës Daut Haradinaj, ka folur pas përfundimit të protestës për veteranët.
Haradinaj tha se ky është veç fillimi.
Ai theksoi se veterani më i rrejshëm është Albin Kurti.
"Një nga veteranët më mashtrues është Albin Kurti, i cili se ka pasur kurrë pushkën në dorë dhe e gëzon statusin e veteranit", tha Haradinaj.
"Ata po thirren se lista është e fryrë, krejt përmbajtja e kësaj teme ishte fryrja e listave, ndërsa po e harrojnë faktin se i kanë në dorë mekanizmat për pastrimin e listave. Ai i cili është veteran i jashtëligjshëm, le të largohet, le të sanksionohet se ligji është i qartë", tha ai.
https://www.youtube.com/watch?v=SLR3w-yUdEE
18:52 - Limaj: Përmes protestës ju themi këtyre se përgjimet nuk kalojnë
Fatmir Limaj, kryetar i partisë joparlamentare “Nisma Socialdemokrate”, ka thënë se protesta e sotme është revoltë qytetare për shkak të mungesës së përfaqësimit nga ata që duhet t’i përfaqësojnë.
Sipas tij, qytetarët duhet t’i thonë pushtetit se “përgjimet nuk kalojnë”.
“Është e rëndësishme të thuhet gjendja në të cilën gjendet vendi, gjendje në të cilën e ka sjellë ky grup njerëzish. Është shqetësuese në vazhdimësi, e sidomos veprimet e fundit, sjellja e këtyre njerëzve që kanë mandat e duhet të jenë të pjekur... nga përgjimet, situata në parlament, dhe në fund deklarata e sotme e ministrit të rendit... Dmth këta njerëz, jo që nuk bëjnë asnjë përpjekje për të sqaruar opinionin, për këtë kërkuar falje, për të bashkuar opinionin, por përkundrazi, e kanë nda dhe e kanë copëtuar këtë shoqëri. Me një fjalë, nëse ju kujtohet parulla e tyre se ata e kanë shkatërruar vendin për 20 vjet, ju sot jeni dëshmitarë duke u shkatërruar të arriturat 20-vjeçare për 2 vjet. Ja shkatërruesit e vendit, të shtetit, lirisë, demokracisë... nuk ka më pjesë të shoqërisë që këtyre nuk ju pengon. Veteranët, arsimtarët, sindikatat, administrata, gazetarët, opinionistët dhe kushdo që s’mendon si ta, këtyre u pengon dhe këqyrin me shkatërru. Dhe kjo besoj që është arsyeja e kësaj proteste e revolte. Fatkeqësisht, kjo është një gjendje të cilën s’besoj kush që e ka pritur”.
“Qytetarët nuk ndihen të përfaqësuar, prandaj gjenden forma alternative për të shprehur pakënaqësitë, dhe protesta është një nga to, për t’ju thënë këtyre se këto gjëra nuk kalojnë, ato përgjime nuk kalojnë. Ju mund ta mbroni e mbështetni një njeri, por populli ka nevojë për sqarim”, deklaroi Limaj. /Klankosova.tv
Rrini të informuar mbi zhvillimet kryesore duke u bërë pjesë e komunitetit tonë në Viber
BONUS: Merreni aplikacionin tonë në
Android dhe
iOS
18:49 Haxhiu: Kjo ishte një revoltë spontane qytetare pas aferës "Zdravo", do të ketë sërish protesta (VIDEO)
Deputeti i PDK-së, Bekim Haxhiu, ka marrë pjesë në prostestën e veteranëve, të cilën ai e quajti revoltë spontane qytetare.
Haxhiu u shpreh se kjo revoltë ka ardhë pas, siç u shpreh ai, aferës "Zdravo", njofton Klankosova.tv.
Ai tha se protesta do të ketë në të ardhmen, sipas tij, ashtu siç janë paralajmëruar nga organizatorët dhe veteranët.
"Kjo më shumë ishte revoltë spontane qytetare, pas aferës "Zdravo". Kjo qeveri mbanë kontakte të fshehura me Listën Serbe, mbanë kontakte të fshehura me Vuçiqin përmes Radojçiqit dhe Kusari-Lilës, prandaj ishte një revoltë qytetare më shumë se protestë, sepse protestat do të jenë të ardhshme të paralajmëruara nga organizatorët dhe nga veteranët e Ushtrisë Çlirimtare të Kosovës", u shpreh Haxhiu.
https://www.youtube.com/watch?v=x3-dKRZdY68
18:47 - Lushtaku: Do të jemi pjesë e çdo proteste me vlerë kombëtare (VIDEO)
Ndër pjesëmarrësit e protestës për veteranët ishte edhe deputeti i Partisë Demokratike të Kosovës Mërgim Lushtaku.
Ai tha se do të jetë pjesë e çdo proteste me vlera kombëtare do t'i bashkangjitet.
"Kjo qeveri e shkelë këtë dinjitet, këtë gjak dhe sakrificë dhe pavarësinë e arritur me mund", tha Lushtaku.
https://www.youtube.com/watch?v=Zxwj11HSgL4
______________________________________________________________________________________________________________________________________
18:34 - Përfundon e qetë protesta për veteranët
Është shpallur e mbyllur protesta për veteranët e UÇK-së.
Në këtë protestë morën pjesë qytetarë nga vende të ndryshme të Kosovës, njofton Klankosova.tv.
Protesta për veteranët, e cila u zhvillua në Prishtinë, ka përfunduar e qetë.
18:30 - Policia shpërndan ujë për veteranët në protestë
Policia e Kosovës pos që po përkujdeset ta mbajë rendin, njashtu po përkujdeset që të shpërndajë ujë për veteranët.
18:27 - Çerkini: A iu vjen marre në parlament mos me e çu dorën për një pagë minimale (VIDEO)
Kryetari i Qendrës Burimore për Personat e Pagjetur, Bajram Çerkini, ka folur para protestuesve në protestën për veteranët.
Siç u shpreh ai, është marre që të mos ngritet dora në parlament për pagën minimale, përcjell Klankosova.tv.
Tutje, ai është shprehur që të gjithë duhet ta dinë se çka është liria, sepse siç u shpreh ai, nuk ka shtëpi që nuk ka dhënë gjak për këtë liri.
"A ju vjen marre, a iu ka ardh gjynah në parlament mos me e çu dorën për një pagë mesatare të Republikës së Kosovës njeriu që ka dalë ta japë jetën për liri. Nuk ka askund në botë më marre. Unë nga shpirti po them lus të gjithë ta dini se çka është liria dhe çka kemi dhënë, s'ka shtëpi që s'ka dhënë gjak për këtë liri", u shpreh tutje ai.
https://www.youtube.com/watch?v=lzsN9_JSGFA
18:15 - Ajeti: Për qeverinë tonë ende pyetën kriminelët serbë (VIDEO)
Ish-luftëtari i Ushtrisë Çlirimtare të Kosovës Avni Ajeti, tha se të drejtat e veteranëve po mohohen nga Qeveria e Kosovës.
Gjatë fjalimit të tij, në protestën e organizuar në sheshin "Skënderbeu" tha se për qeverinë tonë po pyeten ende kriminelët serbë.
"Jemi këtu që nëpërmjet fjalës së lirë t'i japim përgjigje këtij trajtimi të padinjitetshëm", tha Ajeti.
Ai theksoi se ministri i Financave Hekuran Murati, i pati quajtur veteranët "mercenarë".
"Por, as ai dhe as shefi i tij nuk e kanë provuar plumbin. Ata ishin në kafene dhe ne në istikame", theksoi ai.
Ajeti tha se do të vazhdojnë të protestojnë nëse dekretohet Ligji për pagën minimale pa përfshirjen e veteranëve.
Sot me fillim nga ora 18:00, ka nisur protesta për veteranët ku po marrin pjesë edhe qytetarët dhe anëtarët e partive politike.
https://www.youtube.com/watch?v=R5gR0fbnl9A
18:12 - Në protestën për veteranët mblidhen qytetarë nga qytete të ndryshme të Kosovës (VIDEO)
Tashmë ka filluar protesta në Prishtinë për Veteranët e Luftës.
Në këtë protestë janë bashkangjitur edhe qytetarë nga qytete të ndryshme të Kosovës.
Një protestues i cili erdhi nga Klina tha se ngjarjet e fundit e kanë detyruar që të bëhet pjesë e kësaj proteste.
"Ngjarjet e fundit na kanë detyruar që të dalin t'i mbrojmë ato vlera sublime, vlera të jashtëzakonshme që i ka populli shqiptar dhe ato janë vlerat e Ushtrisë Çlirimtare të Kosovës. Kulmi ka qenë me aprovimin për Ligjin për Pagat ku Veteranët e UÇK-së janë anashkaluar me këtë ligj dhe nuk janë përfshirë në pagën minimale, është një dëm që i ka ndodhur Kosovës dhe popullit të Kosovës", u shpreh ai.
Ndërkaq, një qytetar nga Prizreni që i është bashkangjitur kësaj proteste ka një tjetër kërkesë, përcjell Klankosova.tv.
"Kërkesa tona janë të mos përjashtohemi nga ligji dhe çdo vendim që merret për ushtarët e UÇK-së duhet të merret në parlament pa pëlqimin e Serbisë, nuk ka nevojë të pyetët Serbia për ne", tha ai.
Një tjetër protestues tha se sot ka dalë të protestojë për të kërkuar të drejtat e veteranëve.
"Sot kemi ardhë të protesojmë për të drejtat tona, asnjëherë nuk e kisha mendu që pas 24 vjetëve liri të vendit tim për të cilin kam sakrifikuar me ardhë me protestu për të drejtat tona" , u shpreh ai./Klankosova
https://www.youtube.com/watch?v=aOWcwyMz08g
18:03 - Në këto momente është shpallur e hapur protesta për veteranët
Sapo ka filluar protesta për Veteranët e Luftës në Kosovë.
Është krijuar një kordon i madh me pjesëtarë të policisë së Kosovës, po ashtu përveç pjesëtarëve janë vendosur edhe rrethoja prej hekuri pra në afërsi të objektit të qeverisë së Kosovës pranë derës së qeverisë së Kosovës.
Zyrtarë policorë e kanë rrethuar objektin nga të gjitha anët në rast të ndonjë eskalimi të mundshëm të situatës së protestës që aktualisht vetëm sa filloi këtu në sheshin kryesor të Prishtinës, po protestojnë veteranë, shoqëri civile e qytetarë.
Protesta u thirr dje për të kundërshtuar vendimin e qeverisë fillimisht kundër miratimit të ligjit për pagën minimale pa përfshirë veteranët aty, si dhe për incizimet e fundit që kanë rrjedhur të bisedës mes shefes së grupit parlamentar të Lëvizjes Vetëvendosje, Mimoza Kusari-Lila, dhe zyrtarit të Listës Serbe, Slavko Simic.
Raporton Qëndresë Tërshani
https://youtu.be/vdZDqCK6uH4
17:56 - E moshuara proteston me baner me fytyrën e Kadri Veselit (FOTO)
Tashmë kanë filluar të mblidhen protestuesit për protestën e Veteranëve të UÇK-së.
Kësaj proteste ka vendosur që t’i bashkëngjitet edhe një e moshuar, përcjell Klankosova.tv.
Ajo në protestë është shfaqur me baner me fytyrën e Kadri Veselit.
Më poshtë mund t’i shihni pamjet e dërguara nga gazetarja e Klan Kosovës, Qëndresa Bellagoshi. /Klankosova.tv
Rrini të informuar mbi zhvillimet kryesore duke u bërë pjesë e komunitetit tonë në Viber
BONUS: Merreni aplikacionin tonë në
Android dhe
iOS
17:50 - Fillojnë të mblidhen protestuesit në protestën për veteranët
Në qendër të Prishtinës kanë filluar të mblidhen protestuesit në protestën për veteranët e luftës.
Ekipet e Klan Kosovës kanë dalë në vendin e ngjarjes për ta përcjellë ngjarjen.
Më poshtë keni edhe fotografitë para fillimit të protestës. /Klankosova.tv
Rrini të informuar mbi zhvillimet kryesore duke u bërë pjesë e komunitetit tonë në Viber
BONUS: Merreni aplikacionin tonë në
Android dhe
iOS
Policia rrethon objektin e Qeverisë së Kosovës
Shoqëria civile, e mbështetur nga Organizata e Veteranëve të Luftës dhe disa parti politike do të protestojnë sot para qeverisë duke filluar nga ora 18:00.
Protesta do të mbahet pasi veteranët nuk u përfshinë në Ligjin e pagës minimale, që u votua dy ditë më parë nga Qeveria e Kosovës, transmeton Klankosova.tv.
Ndërkohë, Policia e Kosovës ka filluar përgatitjet, duke vendosur rrethojat te Qeveria.
https://www.youtube.com/watch?v=z3AIcIFJf3c
Protesta do të mbahet pasi veteranët nuk u përfshinë në Ligjin e pagës minimale, që u votua dy ditë më parë nga Qeveria e Kosovës, transmeton Klankosova.tv.
Ndërkohë, Policia e Kosovës ka filluar përgatitjet, duke vendosur rrethojat te Qeveria.
https://www.youtube.com/watch?v=z3AIcIFJf3c
