Lladrovci jep detaje rreth dy të infektuarve në Drenas

Në mesin e 96 të infektuarve gjatë 24 orëve të fundit në vend, dy raste janë nga komuna e Drenasit. Kryetari i Drenasit, Ramiz Lladrovci nëpërmjet llogarisë së tij në Facebook, ka dhënë detaje për rastet, njofton Klan Kosova “Të infektuarit janë nga Tersteniku dhe Verbovci, raste kontakti nga PTK dhe Ujësjellësi Rajonal KRU Prishtina’, shkroi Lladrovci. Njoftimi i plotë i Lladrovcit në Facebook: Qytetarë të nderuar të Drenasit, Sot nga Instituti Kombëtar i Shëndetësisë Publike u njoftuam për dy raste me virusin COVID-19 në komunën tonë. Të infektuarit janë nga Tersteniku dhe Verbovci, raste kontakti nga PTK dhe Ujësjellësi Rajonal KRU Prishtina. Pas njoftimit nga IKShP, ne do të ndërmarrim masat e nevojshme që këto raste të vetëizolohen. Siç keni treguar deri tani disiplinë në zbatim të masave preventive kërkoj nga ju që edhe me tutje t’i respektoni masat e Ministrisë së Shëndetësise dhe rekomandimet e IKShP-së lidhur me pandeminë. Me kujdes, pa panik!