Llapi-Prishtina, ndeshja e fundit gjysmëfinale që do ta përcaktojë finalistin e dytë në Kupën e Kosovës  

Pas kualifikimit të Dukagjinit në finalen e Kupës së Kosovës, Llapi dhe Prishtina kanë arritur në stadin final për t’u kualifikuar në finalen e madhe. Më e favorshme është Llapi pasi triumfoi në takimin e parë të zhvilluar në Prishtinë me rezultat 2:3. Kjo ndeshje do të luhet nga ora 15:00 dhe transmetohet ekskluzivisht në Art Sport 1. 15:00               LLAPI - PRISHTINA                      ART SPORT 1 Ndeshja e fundit gjysmëfinale do të luhet në stadiumin “Zahir Pajaziti” të Podujevës. Llapi, që në Superligën e Kosovës nuk ka më objektiva, dajlen në garat evropiane e sheh përmes Kupës së Kosovës. Nga ana tjetër, Prishtina që po lufton në dy frone - edhe për titull kampion të Superligës, edhe në Kupë - do të synojë përmbysjen në rrugë për titullin e tetë. Në ndeshjen e parë, Llapi u paraqit më mirë duke fituar me rezultat bindës 3:2. Djelmoshat e trajnerit Tahir Batatina u paraqitën më mirë duke krijuar një epërsi prej tre golave me anë të dygolshit nga Ahmed Januzi dhe Kushtrim Shabani. Por nga këtu, të përzgjedhurit e Zekirija Ramadanit nuk u dorëzuan duke shënuar dy gola deri në fundin e takimit me anë të Albin Prapashticës dhe Mërgim Pefqelit për të lënë gjithçka të hapur për ndeshjen e dytë në Podujevë. Prishtina është skuadra më e trofeshme në Kupën e Kosovës duke e fituar shtatë here, ndërsa Llapi po kërkon titullin e parë në histori të tyre. Në ndeshjet mes vete këtë sezon, Prishtina ka triumfuar dy herë ndaj Llapit, një fitore e ka skuadra nga Podujeva dhe një ndeshje ka përfunduar pa gola, 0:0.