Grupi i parë i ekipit nga Kosova që do të marrë pjesë në Lojërat e 19-ta Mesdhetare ka mbërritur në Oran të Algjerisë.
Tashmë në këtë qytet po valëvitet edhe flamuri i Kosovës.
Në grupin e parë të sportistëve bëjnë pjesë ekipet e atletikës, boksit, notit dhe badmintonit.
Ekipi ishte nisur nga Prishtina për në Shkup, prej nga u bë udhëtimi me aeroplan direkt për në Oran, së bashku edhe me ekipin e Maqedonisë së Veriut.
Ekipi u vendos në Fshatin Mesdhetar. Ekipi i mundjes arrin sot, ndërsa ekipet e sporteve tjera në ditët në vijim.
Kosova në Oran përfaqësohet me 39 sportistë të 13 sporteve të ndryshme.
Lojërat Mesdhetare mbahet nga 25 qershori e deri më 6 korrik në Oran.
Kosova në lojërat e kaluara ka arritur t'i fitojë katër medalje.
Algjeria ende nuk e ka njohur pavarësinë e Kosovës.
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
