Lajmet e fundit
Rajoni prej rreth 22 mijë banorësh është ndërtuar kryesisht me paratë e dërguara në shtëpi nga burrat që morën rrugë deri në brigjet e Britanisë në kërkim të një jete më të mirë.
Ashtu si kryeministri i Shqipërisë Edi Rama, njerëzit në Has janë të indinjuar nga akuzat nga Londra se janë pjesë e një 'pushtimi' emigrantësh.
Banorët thonë se largimi për në Mbretërinë e Bashkuar i lejon ata të fitojnë jetesën - por vjen me dhimbjen e çrrënjosjes, udhëtimet e rrezikshme dhe punën e palodhur, nga të cilat përfitojnë edhe punëdhënësit e tyre britanikë.
Sipas statistikave zyrtare të Mbretërisë së Bashkuar, shqiptarët janë tashmë grupi më i madh i vetëm që bëjnë kalime me varka të vogla përmes kanalit.
Më shumë se 12 mijë vetë mbërritën në Britani këtë vit krahasuar me atë 50-të në vitin 2020.
Shtetasit e vendit ballkanik prej 2.8 milionë banorësh kanë ikur nga papunësia për në Britani për dekada të tëra.
Duke folur në zyrën e tij ku flamujt britanikë dhe shqiptarë qëndrojnë krah për krah, kryebashkiaku i Hasit, Liman Morina i tha AFP-së se 80 për qind e votuesve të tij 'mbijetojnë falë punës së palodhur dhe të ndershme të të afërmve të tyre në Britani'.
Rajoni i Hasit është më i varfëri i Shqipërisë dhe 'emigrimi është i vetmi burim real për të mbështetur banorët e tij', shtoi ai.
Në rajonin, i cili ka rreth 22 mijë banorë, janë duke u ndërtuar shtëpi të shumta në pronësi të emigrantëve.
klankosova.tv
