Lopa merret për një gjiro me veturë deri te një McDonalds në SHBA (VIDEO)

Një vizitor në McDonalds në Wisconsin të SHBA-ve kapi një video të një pamjeje të pazakontë, një lopë hipur në karrigen e pasme të një makine tjetër. Jessica Nelson, e cila e postoi videon në Facebook, tha se ishte duke pritur në radhë për të porositur ushqim në Marshfield, kur vuri re atë që ajo fillimisht mendonte se ishte një lopë e rreme në pjesen e pasme të një makine. Nelson tha se e nxori telefonin për të regjistruar video kur vuri re se lopa po lëvizte dhe ishte shumë e vërtetë, transmeton Klankosova.tv "E kuptova që ishte 100% e vërtetë. Askush nuk dukej të ishte aq i interesuar sa unë. Isha i vetmi me telefonin tim jashtë", ka thënë ajo. Lopa doli se i përkiste një burri të quajtur Bernie, i cili tha se sapo e kishte blerë kafshën nga një panair dhe po bënte një ndalesë për ushqim në McDonalds gjatë rrugës për në shtëpi. Nelson u trondit kur mësoi se lopa që pa ishte vetëm një nga tre viçat brenda automjetit në atë kohë. "Kishte tre viça gjithsej në sediljen e pasme! Unë thjesht po e zbuloj këtë tani”, ka shtuar ajo. https://www.youtube.com/watch?v=QgENQcFR6Mo