Luan Krasniqi shprehet i dëshpëruar për vrasjen e Besar Nimanit, thotë se ishte sportist i jashtëzakonshëm

Ish-kampioni i Evropës në kategorinë e rëndë në boks, Luan Krasniqi ka reaguar pas vrasjes së ish-boksierit, Besar Nimanit. Krasniqi u shpreh se Besari ishte një sportist i jashtëzakonshëm dhe se fitoret e tij të shumta e kanë bërë krenarë, njofton Klankosova.tv. Për Krasniqin, vdekja e ish-boksierit, siç shprehet edhe vet ai, i shkaktoi dhembje e dëshpërim të madh. “Sot mora lajmin tronditës për vrasjen e Besar Nimanit, këtij sportisti të jashtëzakontë. Fisnikëria dhe burrëria e tij në sport dhe në jetë më kanë bërë përshtypje të madhe. Me fitoret e tij të shumta dikur na bënte krenarë, kurse sot me vdekjen e tij tragjike na shkaktoi dhembje e dëshpërim të madh. Familjes së tij të gjerë dhe fansave të tij të shumtë iu shpreh ngushëllimet e mia të sinqerta.”, ka shkruar Krasniqi në Facebook.