Luiza Gega ekskluzivisht për Klan Kosova: Rruga nuk qe aspak e lehtë, e doja këtë medalje (VIDEO)

Kampionja e Europës në vrapim, atletja shqiptare, Luiza Gega, ka folur sonte ekskluzivit për Klan Kosovën, duke rrëfyer për sfidat gjatë rrugëtimit të saj deri në triumf. Ajo dje u shpall kampione në 3 mijë metra vrapim me pengesa, dhe thotë se për këtë rruga e saj nuk qe aspak e lehtë. ''Rruga nuk ka qenë aspak e lehtë, ka shumë shumë vite që punoi. Kjo më ka bërë që sot të jem pikërisht këtu ku jam. E doja këtë medalje. Këtë vit e pata shumë të suksesshëm. Gara nuk ishte aspak e lehtë, kisha konkurrente shumë të forta, sikur gjermanja dhe anglezja që morën medalje. Por, që në fillim kërkova dhe e mora kryesimin''. ''Nuk di si ta përshkruaj. Shpërtheva në lot, erdhëm shumë natyrshëm, mu kujtuan të gjitha ato sakrifica, gjithë ato dhimbje që kaluam së bashku me trajnerin, nëpër male larg familjes larg çdo gjëje, për të përjetuar emocione të tilla''. https://youtu.be/ts79YjvtpHE Tutje ajo tregoi për Klan Kosovën se ndjehet tejet krenare që e valviti flamurin shqiptar në majat më të lartë të Europës. ''Jam shumë e lumtur të ndajë këtë emocion me ju. Është një emocion shumë i madh dhe një arritje shumë e madhe për mua. Jam shumë e lumtur që më në fund ja dola edhe pse isha e vetmja shqiptare, e vetmja sportiste që përfaqësoja Shqipërinë në një aktivitet të tillë''. ''Jam shumë krenare që arrita të valvis flamurin në majat më të larta të Europës dhe që munda t’i tregoi Europës qe ne mund t’ia dalim''.