Lushtaku (PDK): Qeveria s'është e gatshme ta realizojë buxhetin e vitit 2023, njësoj si atë të 2022-ës (VIDEO)

Deputeti i PDK-së, Mërgim Lushtaku, vlerëson se buxheti i miratuar gjatë javës në lexim të parë nuk është buxhet që zhvillon vendin ekonomikisht. Ai shprehet skeptik sa i përket shpenzimit të buxhetit për vitin e ardhshëm, që në vlerë totale është 3.212 miliardë euro. “Qeveria në vitit 2022 nuk ka qenë e gatshme të realizojë buxhetin e vetë, e njësoj pritet të veprohet edhe më 2023”, është shprehur ai në emisionin e ekonomisë, Portofol, në Klan Kosova FM. Deputeti nga partia më e madhe opozitare ka mëdyshje edhe sa i përket zbatimit të Ligjit të Pagave, që pritet tash e sa të dërgohet në Kuvend. “E kemi pasur premtim nga Lëvizja Vetëvendosje se do të miratohet dhe implementohet ky ligj dhe si i tillë nuk u bë dhe nuk mendoj që as viti 2023 do të jetë vit i implementimit të Ligjit për Pagat” Një çështje tjetër që e ka komentuar ai ligji për çmimet tavan për produktet bazë për të cilin ka thënë se është kundërkushtetues.