LVV-ja dhe AAK-ja shkarkojnë 20 aksionarë të ndërmarrjeve publike në kryeqytet (VIDEO)

Me 25 vota për, asnjë kundër dhe një abstenim, Kuvendi Komunal i Prishtinës votoi shkarkimin e 20 aksionarëve të dhjetë ndërmarrjeve publike komunale. Kjo u bë në një séance të jashtëzakonshme të thirrur nga Vetëvendosja e AAK-ja, ku nuk mori pjesë PDK-ja e LDK-ja. Keqpërdorimet nëpër këto ndërmarrje po thuhet se janë shkaktarët e këtyre shkarkimeve, njofton Klan Kosova. Në veçanti me veprimet, parregullsitë, shkeljet dhe mosrespektimi i ligjshmërisë në ndërmarrjet publike komunale të Prishtinës. Por ka edhe arsye të tjera. "Mosraportimi i rregullt, ngecjet e vazhdueshme si dhe ankesat nga stafi dhe qytetarët në lidhje me përformancën e tyre”, ka thënë Endrit Zabërgja nga Nisma. Për këto degradime ndërrmarjet publike kanë edhe raste të hapura tek organet e drejtësisë. "Gati gjysma e ndërmarrjeve publike janë nën hetime të policisë e prokurorisë për keqpërdorime e raste të emërimeve politike”, ka thënë Gëzim Sfeçla nga LVV-ja. Emrat e të gjithë aksionarëve të shkarkuar janë: Ngrohtorja e qytetit “Termokos”- Jeta Hasani-Rafuna, Milazim Vitia; Ndërmarrja Publike Banesore – Leutrim Retkoceri, Granit Geci; Kompania Rajonale e Mbeturinave “Pastrimi” – Muhamet Selmani, Shegë Beqiri; Ndërmarrja Publike “Hortikultura”- Kumrie Shabani-Ramadani, Arbnore Ajeti; Ndërmarrja Publike “Trafiku Urban”- Agron Canolli, Fatmir Dervishi; Ndërmarrja Publike “Sport Marketing”- Pëllumb Bajqinovci, Elmira Nikçi-Rexha; Ndërmarrja Publike “Stacioni i Autobusave”- Donjeta Dragusha, Amir Simica; Ndërmarrja Publike “Prishtina Parking”- Lindita Rexhepi, Samir Salihu; Ndërmarrja Publike “Kuzhina Qendrore” – Dasmor Durmishi, Agim Kuleta dhe Ndërmarrja Publike “Pallati i Rinisë”- Dhurata Ratkoceri, Fitnete Bejta. Derisa edhe kryesuesi i Kuvendit Komunal nga radhët e LDK-së, Fehmi Kupina ka njoftuar se ka dhënë dorëheqje nga kjo parti. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS. https://www.youtube.com/watch?v=CT81zyc9TcE