Macja me katër veshë tërheq vëmendje të madhe në rrjetet sociale

Një mace në Turqi, e cila ka lindur me katër veshë, po tërheq vëmendje të madhe në rrjetet sociale. Canis Dosemeci, pronarja e maces me emrin Midas, thotë se atë e kishin vënë re miqtë e saj në oborrin e shtëpisë së saj. Dosemeci ka hapur për macen edhe profil në rrjetet sociale për të mundësuar që kjo mace e veçantë të shihet nga njerëzit e tjerë, duke shtuar se profili ndiqet nga shumë persona nga jashtë. Në këtë profil, ajo u bën thirrje njerëzve të strehojnë kafshë në vend që t’i blejnë ato. Bashkëshorti i saj, Cengiz Döşemeci, tha se macja shkon shumë mirë me qenin e tyre Suzy, shkruan Anadolu, transmeton Klankosova.tv. Duke folur për këtë fenomen, veterineri Reshat Nuri Aslan thotë se ishte shumë i befasuar kur pa macen për herë të parë dhe vuri në dukje se ky është një mutacion gjenetik shumë i rrallë. Aslan theksoi se tek macja, kocka e nofullës është tërhequr pak mbrapa dhe kjo është arsyeja pse gjuha e maces është gjithmonë pak përpara, por që nuk ndërhyn në ushqyerjen e maces. “Bishti i saj është gjithashtu pak më i shkurtër se macet e tjera. Dhe ky është rezultat i një mutacioni gjenetik. Unë besoj se struktura e trurit është e ndryshme. Kjo mace është e veçantë, madje nuk mjaullin shumë me zë të lartë”, tha Aslan. Veterineri shpjegoi se rritja e Midasit është e barabartë me atë të maceve të tjera dhe se macja është në gjendje të mirë shëndetësore. [caption id="attachment_1637582" align="alignnone" width="640"]  [/caption]