Presidenti i Francës, Emmanuel Macron, ka paralajmëruar Bashkimin Evropian për “momentin e së vërtetës” lidhur me solidaritetin financiar në mes të krizës me koronaviruin.
“Jemi në momentin e së vërtetës, në qoftë se BE është projekt politik apo vetëm një projekt tregu”, ka thënë Macron për Financial Times, transmeton Klan Kosova.
Ai ka thënë se nuk ka tjetër zgjidhje përpos krijimit të një fondi të përbashkët që të mundësohet lëshimit i borxheve si garanci e përbashkët për të financuar shtetet anëtare sipas nevojave të tyre dhe madhësisë së ekonomive të tyre.
Sipas Macron mungesa e solidaritet mund të nxisë zemërim në Evropën Jugore veçanërisht tek vendet më të goditura nga virusi.
“Nëse nuk mund të bëjmë atë sot, ju them se populistët do të fitojnë ... sot, nesër, pasnesër, në Itali, Spanjë, ndoshta në Francë dhe gjetiu”.
●●●
LSHKRIMI NGA
LiZe
Editorial nga Klan Kosova — ndjek lajme dhe zhvillimet e tjera kryesore të vendit.
