Magjia me emrin Everest

Të gjithë janë të vetëdijshëm për rrezikun kur nisin hapat për pushtimin e Everestit – por alpinistët nuk ndalen sepse në 8848m i pret magjia e Malit më të lartë në botë. Vetëm sot [22.05.2017] mbi 100 alpinistë kanë realizuar ëndrrën e tyre jetësore, kanë ngjitur Everestin. Në mesin e tyre ishte edhe alpinistja Flutura Uta Ibrahimi, e cila u bë gruaja e parë shqiptare që ka arritur këtë maje. Ibrahimi këtë rrugë të gjatë e bëri së bashku edhe me pesë nepalezët e organizatës së ekspeditave në Himalaje TAG Nepal – ata janë Tendi Sherpa, Suman Gurgur, Bijay Ghimre, Nawang Sherpa dhe Gyajlen Sherpa, të cilët  arritën që me sukses rreth orës 5:05 të mëngjesit sipas orës lokale atje të bekohen nga Everesti, njofton Klan Kosova. Në Everest sot pati edhe një rekord Spanjolli 29 vjeçar, Kilian Jornet e ka arritur sot një rekord të shpejtësisë teksa ka bërë hapa drejt Everestit. Sipas The Himalayan Times, Jornet e ngjiti Everestin për vetëm 26 orë. Ai rrugën e bëri nga ana veriore – Tibet, prej kampit bazë 5100m deri në 8848m. Ai madje nuk ka përdorur as oksigjenin shtesë dhe as litarët e fiksuar – e që me këto dyja bashkë, kjo rrugë alpinistëve të zakonshëm u merr rreth një javë kohë. "Deri kur arrita në 7700m isha duke u ndjerë shume mirë dhe po shkonte gjithçka sipas planit tim, por më pas kisha një dhimbje të madhe në stomak dhe pastaj vendosa të lëvizja ngadalë për të rimarrë veten, megjithatë arrita ta ngjis majën në mesnatë", tha Jornet, i cili ka rekorde të shpejtësisë edhe në shumë maja tjera të botës, njofton Klan Kosova. https://www.instagram.com/p/BUYrps2Aa1k/?taken-by=kilianjornet&hl=en Por në Everest pati edhe ngjitje tjera interesante... Majën e botës sot e ka shkelur edhe një i verbër – Andy Holzer. Ai ishte pjesë e një ekipi austriak, i cili përbëhej nga tre anëtarë. Hozler ëndrrën e tij e realizoi falë ndihmës së shkove Wolfgang Klocker dhe Klemens Bichler. Ai u bë njeriu i dytë i verbër që arrin këtë maje. Në anën tjetër alpinisti 55 vjeçar, Dujmovitsi u bë gjermani i parë që ngjet 14 majat plus 8000m pa përdorur oksigjen shtesë. Everestin po presin ta pushtojnë edhe qindra alpinistë të tjerë, në mesin e të cilëve janë edhe Arineta Mula dhe Nazmi Hasanramaj.

klankosova.tv