Majlinda Kelmendi e merr të bronztën në Doha të Katarit

Kampionia olimpike në xhudo, Majlinda Kelmendi, ka marrë medaljen e bronztë në garën Masters në Doha të Katarit. Këtë e bën të ditur nga Komiteti Olimpik i Kosovës me anë të një postimi në rrjetin social Facebook. "Vjen edhe medalja e dytë, këtë herë e bronztë. Është kampionia Olimpike, Majlinda Kelmendi, e cila fitoi të bronztën në kategorinë -52 kg të Mastersit të xhudos, që po mbahet në Doha të Katarit", thuhet në njoftim. Kelmendi mposhti për të bronztën belgen , Charline Van Snick, transmeton Klan Kosova.