Majlinda Kelmendi pranon Pasaportën Diplomatike nga Presidenti Thaçi

Kampionia Olimpike, Majlinda Kelmendi, sot ka pranuar Pasaportën Diplomatike nga Presidenti i Kosovës, Hashim Thaçi. Këtë e ka bërë të ditur trajneri i Përfaqësueses së Kosovës në Xhudo, Driton Kuka, përcjell Klan Kosova. “Presidenti Thaçi Solemnisht i dha Kampiones Olimpike Pasaportën Diplomatike!”. “Ambasadorja më e mirë e vendit dhe popullit tim. Presidentit,Kryeministrit Haradinaj dhe stafit në MPJ u jemi mirënjohës për shtyrjen para të kësaj çështje!”. “Besoj që e ka merituar!”, ka shkruar ai në Facebook. Lajmin më pas e ka bërë të ditur edhe Presidenti Hashim Thaçi. "Në mënyrë solemne, sot kam ndarë pasaportën diplomatike për xhudisten e artë, Majlinda Kelmendin, për trajnerin, Driton Kuka, dhe kryetarin e Federatës së Xhudos, Agron Kuka". "Majlinda është ambasadorja më e çmuar e vendit tonë dhe personifikon suksesin e Republikës së Kosovës në botë".

klankosova.tv