Adresa prej nga erdhi nuk dihet.
Por, me një video ftohen krejt serbët e Malit të Zi të protestojnë nëpër krejt qytetet e këtij shteti, në mbrojtje të siç thuhet aty, vullnetit të popullit.
Sebep i kësaj thirrjeje është mospërfshirja e partive të këtij komunitetit në qeverinë e re që po krijohet, njofton Klan Kosova.
Mandatari për kryeministër, Millojko Spajiq, po bashkëpunon me subjektet politike të bashkësive tjera, përfshirë ato shqiptare. Bile atyre pritet t’ua besojë edhe postin e të dytit të ekzekutivit.
Kjo s’i ka pëlqyer hiç as presidentit serb, Aleksandër Vuçiq, që një ditë më parë kundërshtoi përfshirjen e komuniteteve tjera, duke përjashtuar serbët, në bisedimet pushtet-ndërtuese.
https://www.youtube.com/watch?v=74vldAp0P2s
●●●
BSHKRIMI NGA
BM
Editorial nga Klan Kosova — ndjek video lajme dhe zhvillimet e tjera kryesore të vendit.
