Lajmet e fundit
Malisheva për shumë kohë ishte ndër qytetet me më së shumti raste pozitive me COVID-19 në vend.
Madje ajo ishte cilësuar si vatër e infeksionit pasi kishte arritur të ketë më shumë se 100 të infektuar për pak ditë, njofton Klan Kosova Por, tash kur Kosova është në kulmin e infeksionit, Malisheva u rendit krah gjashtë komunave tjera me më së paku raste, në atë të Zonës së Gjelbër. E çelës i suksesit, sipas komunarëve është menaxhimi. “Inspektorati Komunal, Qeverisja Komunale, Policia, Shtabi Emergjent, të gjitha këto na kanë sjellë këtu ku jemi sot, gjendjen e kemi të mirë po ndihemi shumë komodë”, tha Dibran Kastrati, drejtor i Inspektoratit të Malishevës. Ky tha se vetëdijësimi i qytetarëve është një faktor tjetër që ndikoi, ndaj nuk është se u shfaq nevoja për shqiptimin e një numri të madh të gjobave. Mendim të njëjtë kanë edhe qytetarët, të cilët thanë se gjatë tërë kohës po respektojnë rregullat antikovid. Malisheva tani ka vetëm 86 raste aktive me koronavirus, ndërkohë që 28 qytetarë nga kjo komunë e humbën betejën nga kjo sëmundje pandemike. https://www.youtube.com/watch?v=rGnPoR_z9Kk&feature=youtu.be
