Manifesta solli kampionët e artit në Prishtinë, destinacioni radhës, Barcelona (VIDEO)

Një ngjarje si Bienalja “Manifesta”,  u desht angazhim qysh moti, për ta sjellë në Prishtinë. Madje, iniciativa e parë për këtë festival të madh të artit bashkëkohor sipas ish-drejtorit të Kulturës në Prishtinë, Yll Rugova, nisi që nga 2008-ta. Për këtë, sipas Rugovës kishte dy arsye të mëdha, e që finalizimi u bë në 2019-ën, njofton Klan Kosova. “E para ka qenë e duhura një ngjarje e tillë e madhe e artit. E dyta më e rëndësishmja, që Prishtina të ketë fokus të madh ndërkombëtar”, tha Rugova. E fakti i të qenurit në garë të fortë me qendra të mëdha evropiane, për Besa Luzhën tregon shumë. Sipas Luzhës, kaosi urbanistik, rinia e potenciali që ka vendi, ishin faktorë që organizatorët i besuan këtë ngjarje të madhe kryeqytetit. Ndërsa, profesori Ilir Muharremi pos që vlerëson lart atë që u servua në këtë festival, ka edhe kritika për disa nga vepra. Sipas Muharremit, kishte edhe të tilla që nuk vlenin për aq sa edhe u faturuan. Sipas Ministrit të Kulturës, Hajrulla Çeku, “Manifesta 14” ka pasur afër 800 mijë vizita. E për Yll Rugovën, statistika të tilla edhe kaluan pritshmëritë. “Manifesta” e radhës mbahet pas dy vitesh në qytetin e Barcelonës. https://www.youtube.com/watch?v=yxwFdj61mzI