Maqedoni: Deri më tani është siguruar plazmë gjaku për 23 pacientë me Covid-19

Gjatë periudhës së kaluar në Maqedoninë e Veriut janë dhuruar 16 plazma kovaleshente, prej të cilave shtatë me procedurën plazmaferezë të sepratorit kletoçen dhe nëntë përmes dhurimit standard të gjakut, informoi Ministria e Shëndetësisë, prej ku bëjnë të ditur se me këtë, janë siguruar 23 njësi plazmë kovaleshente për trajtim të 23 pacientëve me Covid-19. “Virusi korona është kërcënim i ri për shëndetin publik për shkak të përhapjes së shpejtë, që po bëhen përpjekje të mëdha që të pengohet. Para pak kohësh në Institutin për Mjekësi të Transfuzionit u përgatit protokoll për dhurim të plazmës kovaleshente. Dhurues i plazmës kovaleshnte mund të jetë secili person i cili është shëruar nga ky virus dhe i përmbush kushtet për dhurim të cilat janë treguar në protokoll”, njoftojnë nga Ministria e Shëndetësisë në Maqedoni. Plazma kovaleshente përmban antitruptha kundër virusit korona të krijuara nga organizmi i njeriut për çrrënjosjen e sëmundjes. Ato trupa të krijuara janë të pranishme në plazmë dhe të njëjtat mund të përdoren në çrrënjosjen e sëmundjes te person tjetër me Covid-19. “Falënderim i madh deri te të gjithë pacientët e shëruar të cilët dhuruan plazmë kovaleshente dhe u bëjmë thirrje të gjithë atyre që e kanë kaluar këtë virus të dhurojnë plazmë që më shpejtë ta pengojmë përhapjen e këtij virusi të paparashikueshëm”, thuhet në kumtesë.