Si gara më e madhe sportive në kryeqendrën shqiptare, u mblodhën atletë nga 40 vende të botës.
Mbi 4 mijë vrapues erdhën për të marrë pjesë në Maratonën e Tiranës, raporton Klan Kosova.
Por ky edicioni i 7 hasi edhe në kritika e atë nga një ish-vrapuese me pozitë politike në Kosovë.
Deputetja Mimoza Kusari ngriti shqetësimin se në rezultatet zyrtare, garuesve kosovarë nuk iu kishte shënuar shkurtesa zyrtare KOS, e as vendosur flamuri shtetëror.
Ky lëshim, sipas saj, u bë nga një operator grek, shtet ky që nuk njeh Kosovën, por diçka e tillë apelon të mos përsëritet.
Por atletja që fitoi vendin e parë nga garuesit kosovarë, Gresa Bakraqi, thotë se kjo nuk qëndron, pasi rangimi akoma s`u krye.
Ajo është e kënaqur me mikpritjen derisa nuk preferon komentet nga politika.
Klani ka dërguar pyetje edhe të organizatorët e maratonës, por deri të hënën pasdite nuk ka pranuar përgjigje. /Klankosova.tv
https://www.youtube.com/watch?v=cl_GeGM6oXA
●●●
LGSHKRIMI NGA
L. Ga.
Editorial nga Klan Kosova — ndjek video lajme dhe zhvillimet e tjera kryesore të vendit.
