“Chuck Norris nuk u bashkua me Korpusin e Marinës... Korpusi i Marinës aplikoi te ai”.
Kështu e kujtoi ekipi i Korpusit të Marinës Amerikane aktorin e njohur, Chuck Norris, i cili vdiq të premten në moshën 86 vjeçare.
Në një postim në platformën X, Korpusi i Marinës amerikane tha se rrugët e Parajsës janë ruajtur gjithmonë nga Marinsat, ndërsa thanë se “sot, Chuck Norris u paraqit në detyrë”.
“Ne vajtojmë ndarjen nga jeta të Chuck Norris, një veteran i Forcave Ajrore Amerikane, i cili u bë gjithashtu një Marins nderi në vitin 2007 kur iu dha titulli nga Komandanti i atëhershëm i Korpusit të Marinës, Gjenerali James T. Conway”.
“Chuck Norris është një nga pak më shumë se 100 individët që u vlerësuan me titullin e Marins Nderi në të gjithë historinë 250-vjeçare të Korpusit”.
“Disa misione mund të kenë nevojë për një batalion, por ky mision kërkon vetëm një Marins Nderi”, u tha në postimin e Korpusit të Marinës Amerikane. /Klankosova.tv
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
