Marrëdhënie me dhunë e ngacmim seksual në plazh, 24-vjeçaret denoncojnë dy burrat në Borsh

Dy vajza të reja, të moshës 24 vjeç, kanë denoncuar në polici se janë bërë viktima të dhunës dhe ngacmimeve seksuale gjatë pushimeve të tyre në zonën bregdetare të Borshit. Sipas njoftimit zyrtar nga Policia e Shqipërisë,  specialistët për Hetimin e Krimeve pranë Komisariatit të Policisë Himarë kanë nisur procedim penal ndaj dy shtetasve, pas kallëzimeve të dorëzuara nga të rejat, raporton Euronews.al, transmeton Klankosova.tv. "E. M., 33 vjeç, banues në Vorë, është kallëzuar nga një vajzë për kryerje të marrëdhënieve seksuale pa pëlqimin e saj, ndërsa ajo ndodhej me pushime në Borsh Xh. D., 52 vjeç, banues në Tiranë, është kallëzuar nga një vajzë tjetër për ngacmim seksual në të njëjtën zonë bregdetare. Të dy rastet janë referuar në Prokurori dhe hetimet janë në vijim për të sqaruar rrethanat dhe për të përcaktuar përgjegjësitë ligjore të të dyshuarve".