Marrëveshja për Gazën mund të arrihet brenda 48 orëve të ardhshme?

CNN ka raportuar se sipas burimeve një marrëveshje armëpushimi në Gazë mund të arrihet brenda 48 orëve të ardhshme. Sipas CNN, dy burime izraelite thanë se një marrëveshje është shumë afër, madje njëri tha se një njoftim mund të vinte brenda 24 orëve të ardhshme. Ndërkaq, një tjetër raportohet të ketë thënë se një marrëveshje mund të arrihej brenda 48 orëve të ardhshme, me lirimin e pengjeve që ka të ngjarë të nis në fillim të javës së ardhshme. Një zyrtar amerikan konfirmoi se ishte bërë përparim, duke thënë se një marrëveshje mund të vinte brenda ditësh, raporton CNN, transmeton Klankosova.tv. Ndërkaq, një tjetër zyrtar izraelit është shprehur se qeveria tashmë ka filluar punën për një draft paraprak të rezolutës së armëpushimit që do t'i paraqitej kabinetit për votim nëse arrihet ndonjë marrëveshje. Sipas ligjit izraelit, çdo vendim për lirimin e të burgosurve palestinezë si pjesë e një marrëveshjeje për pengjet duhet së pari të miratohet nga qeveria.