Lajmet e fundit
Pleurat Sejdiu - Kryetar i Odës së Mjekëve[/caption]
“Së pari nuk diskutohet se a është e lejuar apo jo çështja e marrjes së ryshfetit nga pacienti për shërbim; prandaj edhe nuk ka se çka të komentohet në këtë drejtim. Problemet që po ndodhin vijnë për shkak se shumë kolegë tanë me apo pa vetëdije janë duke hyrë në zonat që konsiderohen si vepër penale - pra çdo dërgim i pacientëve për blerje të materialeve të ndryshme për trajtim mund të konsiderohet si vepër penale”.
“Ne kemi bërë thirrje që sa herë që institucionet shtetërore ta sanksionojnë këtë problematikë përmes rregulloreve të ndryshme ku sqarohet se a kanë të drejtë mjekët apo menaxherët e nivelit të ulët ta dërgojnë pacientin për blerjen e materialeve shpenzuese të cilat nuk janë në dispozicion të tyre për trajtim”, thotë Sejdiu.
Ai thekson se çdo kushtëzim i pacientëve nga ana e mjekëve për t’u ofruar shërbimin spitalor është vepër penale.
“Marrja e ryshfetit është çështje që nuk do koment. Çdo kushtëzim i pacientëve për trajtim është vepër penale. Mbikëqyrja apo menaxhimi i ciklit të pacientit tash e sa vite ka dështuar. Menaxherët e spitaleve duhet ta bëjnë këtë mbikëqyrje. Vlerësimi i menaxherëve është formal, pra nuk ka asgjë të bëjë me meritokraci sa i përket vlerësimit të një menaxheri”.
“Menaxherët duhet të dinë se pse një pacient pret dy deri në një muaj për t’u trajtuar. Duhet ta kenë një përgjigje. Apo në rastet kur një pacient lëshohet nga spitali pa u trajtuar, do të thotë që duhet të dihet arsyeja se pse dhe ku po shkon ai ose ajo që të trajtohet”, u shpreh ai.
Edhe përfaqësuesi i Shoqatës së të Drejtave të Pacientëve, Besim Kodra, pajtohet se duhet të ketë mbikëqyrje më cilësore nga menaxherët në spitalet ku punojnë.
[caption id="attachment_1944905" align="alignnone" width="557"]
Besim Kodra - Përfaqësues i Shoqatës së të Drejtave të Pacientëve[/caption]
“Parimisht çdo skandal që veç po del në shesh ditëve të fundit, tregon majën e ajsbergut për problemet në shëndetësi. Në hulumtimet që i bëjmë në vazhdimësi, diku rreth 15 për qind e rasteve na dalin se pacientët është dashur të japin mjete financiare për ta marrë shërbimin mjekësor”.
“Problemi është që nuk ka monitorim të mjaftueshëm nga ana e menaxherëve për punëtorët e tyre që janë të korruptuar. Institucionet nuk i marrin seriozisht ankesat e pacientëve që kanë të bëjnë me korrupsionin dhe dënimet për këto raste janë shumë të vogla - gjë që i inkurajon edhe të tjerët për t’u përfshirë në raste të tilla të korrupsionit”, theksoi Kodra.
Si zgjidhje për zhdukjen e këtij fenomeni, Kodra e sheh monitorimin nga ana e institucioneve të drejtësisë, rendit dhe ligjit si dhe nga Oda e Mjekëve të Kosovës ndaj rasteve ku mund të ketë korrupsion.
Për t’u informuar më shumë rreth arrestimit të sotëm të dy kirurgëve në spitalin e Vushtrrisë, klikoni në linkun e mëposhtëm.
https://klankosova.tv/arrestohen-dy-kirurget-qe-dyshohet-se-moren-para-nga-pacientet-ne-spitalin-e-vushtrrise/
klankosova.tv
