Marshi në Hagë, bashkatdhetarët kërkojnë drejtësi (VIDEO)

Me pankarta në duar e me mbishkrimet si “Liria ka emër”, “UÇK nderi i shqiptarëve”, qindra shqiptarë po e kundërshtojnë gjykimin e ish-krerëve më të lartë të UÇK-së, Hashim Thaçit, Kadri Veselit, Jakup Krasniqit e Rexhep Selimit. Në afërsi të Gjykatës Speciale në Hagë, protestuesit janë të bindur në pafajësinë e ish-eprorëve të UÇK-së. “Nuk do të dorëzohemi as tash, prandaj dhe jemi bashkë këtu të jemi të lirë derisa të na lirohen çlirimtaret tonë” ka thënë Behar Berisha, djali i dëshmorit Xhevat Berisha. Vetëm për të qenë në Hagë, pjesëmarrësve nuk u bën përshtypje sa kilometra duhet bërë. “Kemi bërë 1300 kilometra për të ardhur këtu vetëm në mbështetje të tyre”, ka thënë një bashkatdhetarë nga Italia. Këtyre u ishin bashkuar edhe familjarë të të akuzuarve. “Është emocion i dhimbshëm, neve po na mbanë krenaria, edhe duke e ditur që lufta e UÇK-së ka qenë e drejtë” ka thënë Gresa Krasniqi, vajza e Jakup Krasniqit. Pas më shumë se dy vjetësh mbledhje provash, këtë të hënë ka nisur gjykimi për të akuzuarit që po mbahen në tribunalin e Hagës. https://www.youtube.com/watch?v=8He6362yDew

klankosova.tv