Marshohet në Jerusalem, kërkohet paqe dhe kthimi i pengjeve në Izrael

Në Jerusalemin e sotëm, dhjetëra njerëz u mblodhën në një marshim që kërkon kthimin e pengjeve. Gjatë një bisede me Bar dhe Atalia Regev, një çift që jeton në veri të Izraelit, ndanë kujtimet nga 7 tetori 2023, ditë që shënoi fillimin e një periudhe të vështirë dhe të pasigurt, transmeton klankosova.tv. Më 7 tetor 2023, Bar dhe Atalia ishin duke shkëmbyer mesazhe me një mik të tyre në Kibbutz Be’eri, afër kufirit me Gazën, i cili u sulmua gjatë asaj dite. Për bbc, ata kujtojnë me ankth pritjen që mesazhet të bëheshin të lexuara, duke dëshmuar rrezikun e madh që përjetonte miku i tyre. "Ishte tmerruese. Miku ynë ishte në rrezik të madh… Donim të ndihmonim", thotë Bar. Ata mësojnë se miku i tyre i kishte vënë kufje fëmijëve të saj dhe qëndronin në dhomën e sigurisë për 12 orë. Pas ditës së parë, bombardimet e Hezbollahut në veri të Izraelit pasuan, duke i shtuar tensionet që kishin filluar me sulmet nga Gaza. Lufta u intensifikua, duke përfshirë sulme ajrore nga Izraeli në Liban dhe një invasione tokësor në jug të Libanit. Një armëpushim u nënshkrua në nëntor 2024. "Ne nuk patëm një jetë të rregullt për një kohë të gjatë. Ishte shumë, shumë e vështirë," thotë Atalia. Çifti tregon se gjithmonë kanë mbështetur paqen, por kanë frikë nga një tërheqje e mundshme e Izraelit nga Gaza. "Pas 7 tetorit, kemi pasur probleme besimi", thotë Atalia. "Ne duhet të bëjmë çdo kompromis që të kthehen pengjet, por duam garanci që do të jemi të sigurt, sidomos ata nga ne që jetojnë në kufijtë e Izraelit". Në mes të pasigurisë dhe dhimbjes për situatën e pengjeve, ata shprehin nevojën për paqe, por edhe një ndjenjë të fortë të nevojës për siguri për ata që jetojnë afër kufirit.