Janë bërë një vit që kur në Novi Sad të Serbisë ndodhi tragjedia me 16 të vdekur si pasojë e rrëzimit të një strehe të stacionit të trenit.
Që nga ajo kohë, në vend janë organizuar protesta të shumta në kërkim të përgjegjësisë shtetërore për ngjarjen.
Komisionerja për Zgjerim e BE-së, Marta Kos, ka thënë se kërkesat e protestuesve në Serbi janë vlera përmes së cilave vendi shkon në Union, raporton Klankosova.tv.
Ajo tha se kjo tragjedi po e ndryshon Serbinë.
“Një vit më parë, shembja e stacionit të trenit në Novi Sad mori 16 jetë. Sot i kujtojmë ata”.
“Kjo tragjedi po e ndryshon Serbinë. Ajo i mobilizoi mijëra qytetarë të kërkojnë llogaridhënie, liri të shprehjes dhe demokraci përfshirëse”.
“Janë këto të njëjtat vlera që do ta udhëheqin Serbinë drejt Bashkimit Evropian”, deklaroi Marta Kos.
Një vit pas shembjes së një strehe betoni në stacionin hekurudhor të Novi Sadit, që shkaktoi vdekjen e 16 personave, familjarët dhe miqtë e viktimave janë ende në pritje të drejtësisë, derisa përgjegjësit janë të lirë.
Ajo që ka nisur si dhimbje për njerëzit e vrarë, është shndërruar në njërën prej lëvizjeve më të mëdha kundër pushtetit në Serbi në dekadat e fundit. /Klankosova.tv
One year ago, the Novi Sad train station collapse took 16 lives.
We remember them today.
This tragedy is changing Serbia.
It moved masses to stand for accountability, free expression and inclusive democracy.
They are the same values to lead Serbia into the EU.
— Marta Kos (@MartaKosEU) November 1, 2025
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.