Masakrimi i qindra civilëve në Krushë, Osmani: S’harrojmë kurrë – kërkojmë drejtësi

Presidentja Vjosa Osmani ka përkujtuar 27-vjetorin e Masakrës së Krushës së Madhe ku mbetën të vrarë 243 persona, ndërsa 893 shtëpi private dhe shoqërore u dogjën nga forcat e regjimit serb. Në tubimin kushtuar kësaj masakre, e para e vendit tha se e njëjta u planifikua qëllimshëm, transmeton Klankosova.tv. “Masakër e planifikuar, akt i qëllimshëm për ta shuar ekzistencën e banorëve”, u shpreh Osmani. Ajo shtoi se edhe sot e kësaj dite rezultojnë të zhdukur 64 banorë, teksa tha se kjo mbetet plagë e hapur dhe mungesë e përhershme, “Zotim i përhershëm që nuk do të harrojmë kurrë, por do të kërkojmë drejtësi”, deklaroi shefja e shtetit.