Mashtruan të moshuarën, ia morën 1 mijë euro për qëndrim në shtëpi fiktive (VIDEO)

Dikur ishte objekt ku në të zhvillohej veprimtari hotelerie, gjurmët e të cilës duken edhe tani. Mbase kjo ka bërë që dikush të mendoj që këto hapësira do të jenë lehtë të adaptueshme për t’i shndërruar në një shtëpi private për përkujdesjen e të moshuarave, në fshatin Malishevë të Gjilanit, raporton Klan Kosova. Edhe disa punonjës të bizneseve përreth i thanë televizionit se ky objekt ishte marrë me qira për këtë qëllim. Por, pikërisht tek ky objekt policia dhe hetuesia zbarkuan të premten, ngase infermieri J.Sh, në emër të këtij institucioni ende jofunksional e kishte nisur punën por në shtëpinë e tij. Kështu organet e rendit e arrestuan atë, që bashkë me një infermier dhe një infermiere tjetër morën nën përkujdesje një grua të moshuar gjilanase për të cilën familja pagoi 1 mijë euro, e cila u mbajt në lagjen Arbëria në Gjilan për një javë. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://www.youtube.com/watch?v=z9liUxDD8rk