Mashtruesi nga Vushtrria dyshohet se përfitoi dhjetëra miliona euro (VIDEO)

I njëjti ishte në arrati që nga korriku i vitit të shkuar e po kërkonte azil në Gjermani. Por të mërkurën u kthye e u arrestua sapo ateroi në Aeroportin e Prishtinës, raporton Klan Kosova. Klan Kosova mëson se shuma e përfituar është dhjetëra miliona euro, por që nuk është deklaruar e gjitha nga krejt të dëmtuarit. Klani mëson se shumë të tjerë i dhanë para atij, edhe pas zbulimit të mashtrimit vetëm që të mos i përmend para organeve të drejtësisë. Mehmeti, si agjent i shitjes, besohet se vuri në lajthitje shumë persona duke u marrë para për t'i bërë aksionarë në një firmë cigaresh, e i njëjti kishte krijuar besim të madh tek ta. Dëmi financiar veç i një familje u trash deri në gjysmë milioni. Dallavere e qindra mijëra euro dëm bëri edhe me cigareshitësit në Vushtrri e Mitrovicë. Rreth 700 mijë euro ia morri B.S për çka i njëjti rastin e denoncoi në polici. Të dy viktimat kërkojnë kompensim të dëmit nga i dyshuari që të enjten iu caktua një muaj paraburgim. Familja e tij në rrugën e Gijbulës në Vushtrri nuk qenë të qasshëm kur televizioni i vizitoi pasditen e së enjtes. https://www.youtube.com/watch?v=a1zNso9TOS4