Mastersi i DOHA-s: Distria Krasniqi në gjysmë finale

Distria Krasniqi e ka mposhtur xhudisten portugeze Catarina Costa për të kaluar në gjysmëfinale të Mastersit të Dohas, i cili është duke u mbajtur në Katar. Krasniqi nuk hasi në ndonjë telashe për ta mposhtur portugezen në luftën e tyre çerekfinale në kategorinë deri në 48 kilogramë. Xhudistja kosovare në kategorinë e saj tani e ka siguruar gjysmëfinalen dhe është vetëm një fitore larg sigurimit të medaljes për Kosovën. E para e botës do të përballet me francezen Melanie Clement. Kjo ishte fitorja e dytë e Krasniqit në Doha sot, pasi në rundin e dytë e mundi sllovenen Marusa Stanger me ippon. Rrethin e parë Distria e kaloi pa luftë. Mastersi i Dohas është i rëndësishëm sepse u siguron garueseve edhe pikë olimpike, të cilat janë të nevojshme për ta siguruar pjesëmarrjen ne Lojërat Olimpike Tokio 2020.