Maxwell refuzon t'u përgjigjet pyetjeve për Epsteinin

Ghislaine Maxwell, bashkëpunëtorja e dënuar e autorit të krimeve seksuale, Jeffrey Epstein, refuzoi t'u përgjigjej pyetjeve nga Komiteti Mbikëqyrës i Dhomës së Përfaqësuesve të SHBA-së të hënën. Maxwell u paraqit virtualisht për një dëshmi me dyer të mbyllura nga burgu i Teksasit ku po vuan një dënim me 20 vjet burg për trafikim seksual, raporton BBC, transmeton Klankosova.tv. Kryetari i Komitetit Mbikëqyrës të Dhomës së Përfaqësuesve, James Comer, tha se "siç pritej", Maxwell iu drejtua Amendamentit të Pestë, duke u thirrur në të drejtën e saj për të heshtur. "Kjo është padyshim shumë zhgënjyese", tha ai. "Kishim shumë pyetje për të bërë në lidhje me krimet që ajo dhe Epstein kryen, si dhe pyetje në lidhje me bashkëpunëtorët e mundshëm".