Mbërrijnë materialet zgjedhore në Kukës, zvogëlohet numri i qendrave të votimit

Në Kukës kanë mbërritur materialet zgjedhore për zgjedhjet e 11 majit, pranë Komisionit Zonal të Administrimit të Zgjedhjeve, të cilat më pas do të shpërndahen në 73 qendrat e votimit të Bashkisë Kukës. Sipas A2 CNN, kryetari i KZAZ- 11 Kukës, Uran Cengu, shprehet se të gjitha materialet kanë ardhur ndërsa pritet ardhja e kutive dhe fletave të votimit. Qendra e Numërimit të Votave do të jetë në palestrën e gjimnazit të qytetit, që ruhet nga Policia. Sipas kreut të KZAZ Kukës, 44 mijë e 500 qytetarë më të drejtë vote të Bashkisë Kukës, me 11 maj do t’i drejtohen 73 qendrave të votimit. Pra një qendër më pak se në zgjedhjet vendore të 2023. Kjo për shkak të rënies së numrit të banorëve me 300 në fshatin Kalis. Në Bashkinë Kukës në zgjedhjet e vitit 2023 ka pasur 74 qendra votimi me 45 mijë e 855 qytetarë më të drejtë vote.