Mbështetja për emisarin: SHBA s’ka dilema, është me Lajçakun (VIDEO)

Akuzat nga Prishtina për ndërmjetësimin në Bruksel, s’e lëkundin asnjë pikë besimin amerikan për dialogun dhe dy njerëzit që e udhëheqin atë. Të qartë këtë e bëri ambasadori i ShBA-së në Kosovë, Jeffrey Hovenier, kur të mërkurën hapi edicionin e dytë të Samitit të Paqes dhe Demokracisë në kryeqytet, njofton Klan Kosova. Amerikani tha se këtë proces e shohin si rrugë të vetme të dy shteteve drejt integrimit euroatlantik, derisa përmendi edhe njohjen e mundshme mes Kosovës e Serbisë. Veç nga njeriu kryesor i Amerikës në Prishtinë, kryeministrit Albin Kurti nga këtu kundërpërgjigje i shkoi edhe prej këshilltarit të atij që e akuzoi. Në këtë ngjarje u kërkua edhe themelimi i Asociacionit të Komunave me Shumicë Serbe, për të cilin zyrtarja e ambasadës amerikane, Cynthia Cook, tha se e shohin si të nevojshëm në Kosovë, edhe po që se ai nuk do të ishte obligim nga marrëveshjet e kaluara. https://www.youtube.com/watch?v=4gD6WbJm8RE