Mbi 19 mijë njerëz të vdekur nga koronavirusi në Francë

Gjatë 24 orëve të fundit Franca ka raportuar 642 vdekje tjera nga koronavirusi - kështu duke çuar numrin e vdekjve në gjithsej 19.323. Autoritetet shëndetësore franceze njoftuan se midis vdekjeve të regjistruara në 24 orët e fundit, 368 po trajtoheshin në spital, ndërsa 278 ishin në shtëpi pleqsh, shkruan Anadolu, transmeton Klan Kosova Autoritetet po ashtu njoftojnë se pacientët që po trajtohen në kujdes intenziv shënuan një ulje, gjegjësisht duke rënë në 5.833 nga 6.027 sa ishin dje. Ndërkohë, numri i rasteve të konfirmuara me COVID-19 është rritur në 111.822, me 2.569 raste të raportuara në 24 orët e fundit, ndërsa numri i përgjithshëm i të shëruarve ka shkuar në 35.983. Kujtojmë se pas shfaqjes për herë të parë dhjetorin e kaluar në Wuhan të Kinës, koronavirusi është përhapur në mbarë botën, ndërsa Organizatata Botërore e Shëndetësisë (OBSH) shpërthimin e ka shpallur një pandemi globale. Bazuar në të dhënat e Universitetit John Hopkins me qendër në SHBA, mbi 2.3 milionë raste të koronavirusit janë raportuar në mbarë botën, me rreth 157 mijë të vdekur dhe rreth 585 mijë njerëz të shëruar.