Mbi 200 mijë euro për pastrimin e lumenjve e ujëmbledhësve në kryeqytet (VIDEO)

Të gjitha mbeturinat dhe papastërtitë e tjera që gjenden në lumenjtë dhe përroskat e kryeqytetit do të largohen nga aty. Komuna e Prishtinës ka marrë vendim që të fillojë të bëjë pastrimin e tyre. Drejtori i Shërbimeve Publike në Prishtinë, Ilirik Musliu, tha se do të bëhet pastrim i lumit Llap, Preshtevka si dhe përroskat si ajo e Matiqanit dhe të tjerat. Kostoja për largimin e këtyre mbeturinave, sipas drejtorit Musliu, kap shifrën rreth 250 mijë euro. Qytetarët vendimin e Komunës së Prishtinë për pastrimin e lumenjve dhe përroskave po e shohin të nevojshëm. Puna për pastrimin e lumenjve dhe përroskave do të fillojë në javën e parë të muajit mars. /Klankosova.tv https://youtu.be/TjsjmwWDUBY *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.